Eth maitin d'Aran
BoscAran: toti es detalhs deth projècte qu'a relançat era espleita de husta des nòsti bòsqui
Durada: 24 min
20/11/2024
Es subastes e era espleita de husta des bòsqui de casa nòsta tornen a èster ua realitat dempús d'ans d'inactivitat. An tornat dera man deth projècte BoscAran, deth que seguraments n'auetz entenut a parlar diuèrsi còps en nòste programa. Ara hè uns mesi vos parlàuem d'ua des accions mès innovadores restacades ad aguest projècte: era installacion d'un cable aèri de 500 mètres entà extrèir era husta de lòcs de dificil accès. Aué anaram mès enlà, pr'amor qu'eth projècte BoscAran lèu a barrat era sua prumèra campanha en foncionament e per aquerò n'auem volgut conéisher toti es detalhs dera man deth sòn responsable politic, eth conselhèr Jose Luis Boya, e tanben deth sòn responsable tecnic, Arnau Roé. Ac hèm en aguesta entrevista dera nòsta companha Sofia Cabanes.