Durada: 1 h

Era actualitat dera Val d'Aran en aranés. Eth freeride ja ei olimpic. Eth Comitè Olímpic Internacionau a confirmat qu'era disciplina formarà part des Jòcs d'Iuèrn des Aups Francesi 2030. Escoltam es valoracions de May Peus, Xavi Ubeira, Aymar Navarro e deth rider aranés Abel Moga. En motor Mari Boya marche de Silverstone esperançat damb es milhores en coche abans de Spa. Era 8au edicion dera Hard Bike de BTT arribe damb ua propòsta mès relaxada, sense classificacions, e damb naui traçats pes sendèrs deth país que portaran as participants tara Entecada, era Tuca o Baqueira.

Durada: 1 h

Era actualitat dera Val d'Aran en aranés. Eth departament de Territòri se compromet a non barrar eth Pòrt dera Bonaigua pendent es òbres que s'haràn de her ena C-28 per esbauçament d'aguest iuèrn passat. Ara era circulacion ei restringida a un carril, damb pas alternatiu. Era Tocineria Casasnovas torne a daurir damb un relèu ath capdeuant. Son Ivan Tort e Laura Marina, que ath delà de mantier es receptes, tanben sauven eth nòm e era mèrca comerciau.

Durada: 1 h

Era actualitat dera Val d'Aran en aranés. Era Pedals de Foc Non Stop ja a era sua pròpria banda sonora. Keith Kirwen mos explique com a creat un disc sencer damb era ajuda dera intelligéncia artificiau. E recuperam era convèrsa damb er escrivan Eric Marquez Delaurens tà parlar dera sua novèlla "La venganza de Margarita".

Durada: 1 h

Era actualitat dera Val d'Aran en aranés. Er ajuntament de Naut Aran aprovaue setmanes en darrèr eth projècte basic deth Centre Civic e Sociau de Salardú damb un còst un 40% inferior. Recuperam dus capitols de 'Eth hiu der Archiu' dera passada sason. aué coneishem era istòria de François Bartièr, marchand de Sent Biat que prèste sòs a Aran, mès que non recupère. Tanben un nau Mot horaviat der ostiu, dera man de Xavi Gutierrez.

Durada: 1 h

Era actualitat dera Val d'Aran en aranés. Especialistes en lengua arribadi d'Occitània, d'Aragon e de Catalonha reflexionaràn sus es rèptes dera normativizacion dera lengua, era relacion entre er estandard e es varietats territoriaus, e eth sòn papèr ena transmission, er ensenhament e er usatge sociau der occitan en ua jornada organizada peth Institut d'Estudis Aranesi (IEA-AALO) e er Institut d'Estudis Occitans (IEO). Es diuendres recuperam diferents capitols deth pòdcast "Sons occitans" d'Anna Geli que mos hè a descobrir era riquesa dera musica occitana.

Durada: 1 h

Era actualitat dera Val d'Aran en aranés. Aue, fòrça espòrts. Es araneses Marta Cester, 4au ena TDL, e Belén Barés, 1a ena 10K, destaquen ena dubertura dera 6au HOKA Val d'Aran by UTMB. En motor, ua pana deishe a Mari Boya sense puntuar en Àustria abans dera cita de Silverstone. Torne era polemica pera seguretat des ciclistes ena C-28. Era equipa Royal Cycling hè ua crida tà milhorar eth fèrm dempús de quauque accident. Era Pedals de Foc Non Stop celèbre 20 ans en tot reafirmar eth sòn lideratge enes pròves d'ultradistància. E en darrèr "Cimalh" abans des vacances, Jusèp Loís Sans rebrembe eth compromís de Joan Viñas damb er aranés.

Durada: 1 h

Era actualitat dera Val d'Aran en aranés. Era Associacion entara Defensa deth Lop e der Ors en Pirenèu a demanat ath Conselh Generau d'Aran que modifique un tram dera HOKA Val d'Aran by UTMB tà evitar ua zòna a on, segontes era entitat, i a ua ossa damb tres cadèths. Aué, tanben, Sharon Silva e Gerardo Mendez expliquen com era comunautat veneçolana dera Val d'Aran s'a organizat entà ajudar as victimes deth doble terratrem en sòn país d'ara hè ua setmana.

Durada: 1 h

Era actualitat dera Val d'Aran en aranés. Sofia Cabanes, parle damb eth director dera HOKA Val d'Aran by UTMB, Xavi Pocino, entà conéisher com s'a preparat aguesta 6au edicion, quines nauetats presente e quin impacte a un eveniment que ja s'a convertit en un des grani motors esportius e toristics dera Val d'Aran.

Durada: 1 h

Era actualitat dera Val d'Aran en aranés. Aué eth detalh dera propòsta deth Departament de Justícia tà agrupar es nomentadi Burèus de Justícia des municipis, es antics jutjats de patz, tà compartir recorsi e facilitar tramits ara ciutadania. En darrèr capitol dera sason d'"Er hiu der Archiu" parlam de Rafael Subirà Demiguel, eth prumèr e unic governador aranés dera Val d'Aran en sègle XVII, que ges dera Casa deth Senhor d'Arròs.

Durada: 1 h

Era actualitat dera Val d'Aran en aranés. Aué vos prepausam un viatge pes 20 ans dera Pedals de Foc NonStop. Parlam damb eth sòn director, Pep Vega, entà rebrembar aguest camin e conéisher es nauetats dera edicion que comence aguest dissabte. Parlam tanben dera prepausa dera Generalitat que pòt cambiar eth foncionament des actuaus jutjats de patz dera Val d'Aran. E mès espòrts, eth pilòt de Les Mari Boya, torne ara accion en Campionat deth Mon de Formula 2 damb era cita d'Austria e s'a presentat era 6au HOKA Val d'Aran by UTMB qu'era setmana que ven, amassarà mès de 7.500 corredors convertin era Val d'Aran ena capital mondiau deth trail running.

Durada: 1 h

Era actualitat dera Val d'Aran en aranés. Aué, vos presentam "Era plaça", ua prepausa deth canal entà joeni de 3Cat, EVA, qu'incorpòre part deth contengut en aranés. Tanben, un nau article d'"En cimalh dera lengua nòsta".

Durada: 59 min

Era actualitat dera Val d'Aran en aranés. Aué, parlam dera net de Sant Joan. Passam ua tarde damb es halhaires de Les.

Durada: 59 min

Era actualitat dera Val d'Aran en aranés. Aué parlam dera actualitat aranesa que passe peth prumèr lòc en campionat de Catalonha de Lòla Cavero, era recuperacion dera crotz der Aneto e un nau sistèma de reconeishement facial des ossi en Pirenèu. Tanben, nau pòdcas der Hiu der Archiu.

Durada: 59 min

Era actualitat dera Val d'Aran en aranés. Aué, darrèr programa dera sason. Un programa especiau dedicat a Aranvision.

Durada: 59 min

Era actualitat dera Val d'Aran en aranés. Aué, hem un repàs as actes institucionaus dera Hèsta d'Aran. Tanben parlam de LèuJobs, ua plataforma entà cercar trabalhadors puntuaus ena ostaleria. E, coma cada dijaus, "En cimalh dera lengua nòsta".

Durada: 1 h

Era actualitat dera Val d'Aran en aranés. Accident mortau en Restanca. Recuperam tanben un reportatge especiau sus es sindics e sindiques d'Aran.